صرفت في كليتنا اليوم مكافاة التفوق عن الفرقة الأولى
قبل صرف المكافاة كانت الفرح والسعاده والبهجه منتشره على وجوه أصدقائي
كانو فرحانين جدا جدا ( بالظبط زي ماكانت الفرحه على وجوه لاعبين منتخب مصر لكرة
القدم لما فازوا بكأس الأمم الأفريقية ) وعلى ما أعتقد كدا الجمله اللي بتدور في أذانهم كلهم ( اخيرا
هناخد حاجه من الحكومه ، اللي يجيي من الحكومة فيدة ) وكلهم بلا أستثنائي أنا بيحلمو هيعملو إيه بالمكافأة
اللي بتحلم تجيب موبايل بدل موبايلها , واللي بيحلم يجيب لاب توب وغيرهم .. وغيرهم
لكن الصدمه الكبرى حصلت لما أتعرف ان المبلغ المفروض صرفه هو ( 60 جنيه ) فقط لا غير ..
أه والله ستين جنيه اه صح يعني خمسينايه ومعاها عشرايه ..
أما بالنسبالي انا فهم كويسين ده مبلغ كبيير
اهم حلويين دول حتى يساعدوا في مصاريف ( عيش الطابونه)
ملحوظة هامه:
كل اللي هيعلق على التدوينه دي ليه نصيب في المكافأه
__THISRES__67804.jpg)
.jpg)
هناك 19 تعليقًا:
الحمد لله اني اول واحد يعلق
انا عاوز 50 جنية بأه
و ربنا يعيده علينا و عليكي عليكي بالنجاح
و علينا بالمكفآت
:D
اه أنت أول واحد ..
بس هتأخد 50 جنيه بحالها
طيب وبقيت الناس اللي هترد وأنا هيبقلن إيه ...
مبروووووووووووووووك
أنا بقى ليا العشرة الباقيين...
وانتي ...
كفاية عليكي الفرحة...
:D
اول حاجة ألف مبروك على 60 جنية أو 6000 قرش أو الـ 600000 سحتوت
الحمد لله أنا أول واحد بيرد -وكأنى مش شايف اللى بعتو قبلى - وأنا لى أقتراح بخصوص توزيع ال6000 قرش اللى انت حصلتى عليهم بمجهودك وعرق جبينك ...
المرسوم الأول : يعطى القعقاع 3000 قرش نظير أنه أول من يرد ويعرض اقتراح يوافق عليه الأخرين - يعنى غصب وبالدراع واللى مش موافق يروح يشرب من البحر المتوسط - .
المرسوم الثانى : تعطى صاحبة المكافأة 1000 قرش نظير الجهد ونوصى باستمرار الجهد ومواصلة الدراسة حتى تتفوق وتأخذ كمان 6000 قرش أخذهم كلهم عشان أنا صاحب الفكرة.
المرسوم الثالث : توزع باقى المكافأة على المعلقين بالتساوى نظرا لأن عينهم كانت على المكافأة أكثر من المباركة ونضيف للمعلقين marmarmarmora عشان متزعلش وكمان كريم حمزة وكمان هوبا , يلا خلينا نشبرق على الشعب اللى مش لاقى ياكل.
تطبيقا للمرسوم الثالث بتاع القعقاع قلت اما الحق ارد قبل ما تتوزع التركة ..ههههههههههههههههههه
ألف مبرووووووووووووك يا ريمان وعقبال المكافأة اللي بعدها وتكون أكبر ان شاء الله ....وماتزعليش من اللي وزعوا ال60 جنية
ويكفيكي شرفا ان انت اخدت مكافأة داهماأصلا عمرهم ما عملوها
الف مبروك وعقبال السنه اللى بعدها
وعلي العموم انا متنازله عن نصيبى في التقسيمه ديه للشعب الجعان انا اخدت المكافاه بتاعتي من الكليه
احنا برضه جامدين
أبو الفداء...
الله يبارك فيك...
أه ومالو ..
بس انا مش عاوزه الفرحه هصرفها أزاي ..
لقعقاع :
اول حاجه الله يبارك فيك.
تاني حاجه بما أنك أول واحد رادد يبقى فعلا لازم تأخد ال3000 قرش .. أنا هعتبرك أول واحد رادد أهو 3000 قرش أرحم من 50 جنيه لأن أول واحد رادد عاوز 50 جنيه ..
تالت حاجه لالالا إيه شغل أمن الدوله ده .. غصب ودراع .. مفيناش من كدا
** بس إيه التواضع ده عاوز 3000 قرش بس.. ؟؟
رابع حاجه أحمدك يارب 1000 قرش بحلهم
**ونوصى باستمرار الجهد ومواصلة الدراسة حتى تتفوق وتأخذ كمان 6000 قرش أخذهم كلهم عشان أنا صاحب الفكرة
* إيه ده مكنا متواضعين .. حسدناك ولا إيه؟؟
خامس حاجه **يلا خلينا نشبرق على الشعب اللى مش لاقى ياكل.
* وهي الملاليم دي هتكفي أكلهم
شكرا جزيلا أ/ القعقاع على الأقتراح وأنا أخر مره هجيب (جيد جدا) أنا مش هذاكر تاني ..
marmar :** تطبيقا للمرسوم الثالث بتاع القعقاع قلت اما الحق ارد قبل ما تتوزع التركة
* لا مهو القعقاع منسكيش عمل حسابك
ولو هو نسيكي أنا مأدرش انساكي اكيد طبعا هيكون ليكي نصيب في الورث قصدي المكافأه
وربنا يخليكي يا بنتي ويكرمك وتأخدي أنتي كمان بس على أكبر علشان تكفي.
لالا خالص أنا مش زعلانه خالص ..
هوبا : الله يبارك فيكى
متنزله لالا لازم تخدي بجد مش هتمشي إلا لما تخدي نصيبك .. غصب عنك هتخدي ازاي تيجي ومتخديش عيب عليكي أنتي في مدونة منيفه ولا إيه ( إحنا كرمه بردو( بضم الكاف))
وأهي اعترفت بلسانها هي بردو واخده مكافأه ( 60 جنيه بردو )
هجوووووووووووم عليها خدوها منها ..
** وأبقوا أسألو( ستي ) ملهاش نفس في حته من المكافأه ؟؟ يمكن يكون نفسها في المكافأه أهو نعمل حسبها قبل منوزع وهنديها بردو (الخير كتير) ..
أيه الكلام الفاضي ده أنا عندي أقتراح جامده جداااا
بدل مكل واحد ياخذ فلوس عندي أقتراح
ريمان تعزمناعند طاهي
وكل واحد له الحق أن يجيب واحد معاه بس شكراااااا
ي جماعة المعادلة حلها سهل وبسيط وفي مستوى الطالب العبيط .. لاموأخذه
بصوا يا اسيادنا .. الكتاب بيقول ايه
الكتاب بيقول : إذا حصل احد اهل البيت مكافأه تذهب إلى أكبر الرجاله الموجودين في العيله اللي لسه فالكليه نظراً لأنه من المكافحيين
و الأخ اللي بيقول انا هسيب المكافأه بتاعتي للشعب الجعان دا انا لما اشوفه بس انا دلوقتي بس هو ليه مش عاوز يعمل مدونة .... عشان ميضطرش لتوزيع التركه
ودمتم
خبر عاجل
نقلاً عن عدد من المحطات الفضائية:
(1)
" ستقوم Reeman بتوزيع المكافأة اليوم وعلى المتقدمين والحائزين على الـتأشيرة التقدم اليوم قبل الساعة الواحدة من صباح الغد... لنيل المكافأة "
(2)
"لوحظت في صور الأقمار الصناعية اليوم حجافل من البشر المتوجهين صوب مصر من كل حدب وصوب ولم يعلم لماذا حتى الآن؟"
(3)
" قررت امريكا سحب قواتها من العراق وافغانستان بعد سماعها نبأ توزيع المـ.... .وتحاول التحرك بسرعة الصوت صوب مصر لتسبق الدول المعادية فهى في أشد الحاجة ل 60 جنيه جدا...
وفي سياق متصل قامت بعض الجمعيات اليهودية بعدد من التظاهرات للخروج من فلسطين للفوز بعرض أخذ ال 600000 سحتوت من مصر"
هذا ما سمعته من نشرات لهذا اليوم
كيمو حمزه ..
إيه يا كيمو عاوز ريمان تعزمك عند طاهي ومالو بس كدا أنت تأمر وهات كل لي أنت عاوز تعزمهم مش واحد بس
( يا بابا دول ستين جنيه )
وبعدبن مفيش مبروك ولا حاجه دأنت فعلا زي ما بيقولوا
عينك على المكافأه مش على المباركه
mr pro:
المعادله مبقتش سهله وبقت في مستوع الطالب العبقري ..( لا موخذه بردو )
**الكتاب بيقول : إذا حصل احد اهل البيت مكافأه تذهب إلى أكبر الرجاله الموجودين في العيله اللي لسه فالكليه نظراً لأنه من المكافحيين
كتاب ايه ده ؟؟ وصفحة كام ؟؟ ويقصد مين الكتاب ( مين بالظبط) ؟؟
وبالنسبة للأخ اللي مش عامل مدونه ده الأخ ده( ذكي جدا) كان عامل حساب اليوم ده مش حضرتي ( أتورطت ) أو بمعنى أصح ( أتدبست ) .. كان مالي أنا ومال المدونات ...
القعقاع :
بعد محضرتك قفلت التلفزيون على طول جت نشرة أخبار تانيه تنص على مايلي:
(1)الخبر الأول :
" ستقوم Reeman بتوزيع المكافأة اليوم وعلى المتقدمين والحائزين على الـتأشيرة التقدم اليوم قبل الساعة الواحدة من صباح الغد... لنيل المكافأة"
تم تأجل توزيع المكافأه لاسباب غير معروفهز .. وعلى الحائزين على التأشيره الأنتظار لحين عودتهم من ( عملهم ) ( بعد أسبوعين يعني ) والتقدم فور عودتهم مباشرة لأستلام نصيبهم ( ومتخفش نصيبك في الحفظ والأمان إلى ان تصل إلى أرض الوطن بإذن الله ).. وأحنا بنخبرك أن نصيبك في المكافأه هيكون في الحفظ علشان متفكرش في المكافأه وأنت في الشغل والشغل يخرب .. لا ركز في شغلك ..
أو ممكن ممكن يعني ( تكنسل ) الشغل أصل نصيبك من المكافاه أكبر من راتب سنه بحلها ..
(2)الخبر التاني :
"لوحظت في صور الأقمار الصناعية اليوم حجافل من البشر المتوجهين صوب مصر من كل حدب وصوب ولم يعلم لماذا حتى الآن؟"
علم لماذا هذا الكم الهائل من البشر
فهم متوجهون إلى منزل يقع في بنها يقال أن أحد سكان هذا المنزل من الشخصيات المهمه جدا جدا في البلد وهذا الشخص سيسافر غدا فهم قادمون للسلام عليه وتوديعه ؟؟
(3)الخبر التالت :
" قررت امريكا سحب قواتها من العراق وافغانستان بعد سماعها نبأ توزيع المـ.... .وتحاول التحرك بسرعة الصوت صوب مصر لتسبق الدول المعادية فهى في أشد الحاجة ل 60 جنيه جدا...
وفي سياق متصل قامت بعض الجمعيات اليهودية بعدد من التظاهرات للخروج من فلسطين للفوز بعرض أخذ ال 600000 سحتوت من مصر"
ما أنسحبت أمريكا إلا لتقدم المساعدات الماديه والمعنويه للفقراء والمساكين ( اللي هو انا يعني )
وفي سياق متصل قامت بعض الجمعيات اليهودية بعدد من المظاهرات تتطالب فيها الأخوه المعلقون بالتنازل عن المكافأه وتركها كاملة لأختهم الغلبانه والمسكينه ..
بصراحة رد في المرمى زي ما الأهلى بيعمل تمام ...
ادعوكم لرؤية تدويناتى عن بعد على المدونة التالية:
http://www.distance-blogging.blogspot.com
ولا تنسوا ان تشاركونا التدوين بالطريقة المذكورة في المدونة
القعقاع :
( بردو الأهلي) .. متنساش ان المدونه زملكاويه ..
إرسال تعليق