الصوره اكيد معبره جدا
الخبر هو ايه ؟؟
أني نجحت .. نجحت ... نجحت
وخلصت أهو ثانيه كلية ..
وخلاص هروح ثالثه
أنا المفروض كنت أستنى مقولش الخبر ده إلا لما النتيجه تتعلق في الكليه وأتأكد منها
بس خلاص لقيت زوار البلوجه عاوزين يعرفوا في اسرع وقت
علشان كدا انا قولت كفايه باه كدا .. وهنعلن عن الخبر السار
التقديرات بأه جايه اهي ...
لغه عربيه .... ممتاز
تصنيف .... ممتاز
أنتاج رسوم ... ممتاز
V.B.............. جيد جدا
اجهزه عرض ... جيد جدا
مبادئ تدريس ... جيد جدا
يعني نقدر اوي نقول التقدير العام .. جيدجدا
ونقدر اوي نقول أن أنا الثانيه على الدفعه ..
لسه بأه محتاره بين أن أنا أدخل (تكنولوجيا ) ولا ( حاسب ألي )
لسه مقررتش بس اول مهقرر .. أكيد هقولكم
ملحوظه : اي حد هيعلق على البوست ده يسيب بأه هدية النجاح ..
مش انتو وخدين مكافأه النجاح ولا هتنكروا...
__THISRES__67804.jpg)
.jpg)
هناك 6 تعليقات:
أظني مش هرد على التدوينة دية :]
بس يلا بأه هغرم و خلاص
عربي ؟؟!! طيب بالنسبه للحساب والدين ؟؟@@
هههههههههههه
مبروك النحاج و عقبال أما نشوفك معيدة
مش هترد !!!
ليه ؟؟
دحتى أنت مش هتصرف من جيبك ..
هتصدق بس من المكافأه اللي ختها ( ال60 جنيه ) فاكرها ..
وبالنسبه للحساب والدين خدهم السنه الجايه ان شاء الله ..
والله يبارك فيك ..وأن شاء الله تشوفني معيده
ألف مبرووووووووووك يا ريمان
اخلص بس الثانوية وبعدين اشوف حكاية الهدية دي
اهلا اهلا اهلا marmarmarmora
والله منوره الدنيا !!!
الله يبارك فيكي ، وعقبالك بس على كتير شويه
وتعالي هنا انتي كدا تقريبا خلصتي مفضلكيش غير مواد بسيطه ..
رغم كدا انا مش مستعجله على الهديه ..
لما تخلصي كدا علشان تجيبيها حاجه قيمه ..
ألف مبروك ....
لكن أنا لسه مالقيتش الهدية وسأظل أبحث عنها - في الصحراء - لحد ما القيها وربنا يقدرنا
امال الواحد كان متأخر في النزول ليه عشان تحويشة العمر ماتضيعش واتاريها ضايعة مسبقا.
إلى الأمام باستمرار
الله يبارك فيك يا أ/ القعقاع
لالا
أنا مش طماعه بردو انا مش عوزاها بالمرتب كلو..
إرسال تعليق