سجل يا زمان ، سجل يا تاريخ ، غريدي يا طيور ، ازهري يا زهوووور
لأول مره Miss : Reeman
Miss اه طبعا Miss إيه مش عجبكم ولا ايه ؟؟
أحساس جميل وشعور رائع جدا وأنا أستاذه كدا ومتحكمه في تصرفات فصل كامل ، كأني مدرسة المادة تماما
أحساس جميل أوي أوي لما ألاقي نفسي بشرح لحد
يااااه
دأنا طول عمري بيتشرحلي .. أخيرا جيه اليوم اللي مفروض اشرح فيه لحد
وأبقى مسئوله عن المعلومات اللي بشرحها لأنها هتكون مستقبل الحد اللي بشرحلو
أخيرا جيه اليوم اللي اقف كدا قدام السبوره وأتحرك وأروح وأجي وأمشي مابين ديسكات الطلبه ، وأقول لدي اسكتي ، ولدي عيب
ولدي غلط
بجد بجد كان يوم جميل أوي أوي
يوم التربيه العملي ده اللي شرحت فيه
مكذبش عليكم أنا في الأول كنت مرعوبه جدا جدا ، أول مدخلت الفصل حتى اصدقائي قللولي أهدي علشان متنسيش اللي مذكراه
المهم بأه أول مبدات كنت عماله أضحك مش عارفه على ايه ، وبعد شويه كدا لما بدات أكتب على السبوره كانت ايدي بتترتعش بردو مش عارفه ليه ..
اليوم ده أنا عمري مهنساه لأنو كان يوم جميل اوي وبالذات بالذات لما الطالبات كانو بينادولي ويقولولي يا miss يا miss ولو سمحتي يا miss وحضرتك .. كلام كدا حسيت انو كبير كبير
بس كدا
__THISRES__67804.jpg)
.jpg)
هناك 13 تعليقًا:
أخيرا يا ريمان التدوينة اللي بقالنا كتير مستنينها
والله كبرتي يا ريمان يا بنتي وبقيتي ميس قد الدنيا
ههههههههههههههه
يلا يا ريمان مش هاوصيكي بقى طلعي عين البنات
وطلعي عليهم زهق المدرسات .. زي اللي كانوا بيطلعوه علينا
الحمد لله اني مش ناوية ادرس لحد ..دا انا كنت هاقتلهم
بس انتي هتكوني ميس هادية اوي
ربنا يوفقك يا ميس ريمان
اه .. أخيرا كتبت شفتي بأه
كبرت ؟؟ هههههههههه
لا متوصنيش ان عارفه هو انا مكنتش طالبه في يوم من الأيام
وعلى فكره انا طيبه جدا والله ولا زهق ولا اي حاجه
اكيد هتكونى ميس طيبة
وعقبال اما تتخرجى وتكونى ميس بجد مش مجرد تدريب
بس ما تسمعيش كلام مرمر وخليكى رقيقة مع البنات عشان يحبوكى ويفهموا منك
ولاننا كنا طلاب فى يوم من الايام كنا بنضايق لو مدرسة طلعت عنينا
وكل سنة وانتى طيبة
وربنا يوفقك
في الاول احب اقوللك كل سنه وانتي بالف خير..
تاني حاجه الف مبروك علي التدوينه اللي طلعت عنينيا علي ما خرجت بالسلامه..
تالت حاجه مبروك علي الاستذه وعقبال يا رب كدا لما تكون بجد قصدي رسميه يعني وما تكونش في مدرسه انا عاوزاها تكون في الجامعه باذن الله..
رابع حاجه اتمني لكي التوفيق وللامام داااااااااائما..
والسلام عليكم ورحمة الله وركاته.
إحساس غريب فعلا ان الواحد يكون قائد مجموعه زى المدرس
بس مع الوقت الواحد بيتعود
_-_-_-_-_-_-_-_-_-
مبروك على المدونة والموضوع الجديد
_-_-_-_-_-_-_-_-_-
بس الحمد لله أول مشرحت شرحت للناس اللى معايا بالتربية العملى ونسيت كل حاجة بس أسترجعت كل القوى والمعلومات
والحمد لله التاس قالت انها فهمت شوية (علشان ميزعلونيش) بس كان باين فى عنيهم انهم مفهموش اى حاجة خالص
أخيراً أحمدك يارب
لقيتي حد تعملي عليه مس
الحمد لله :D
مبروك طبعاً و الف مبروك
بس اكيد انا مش هفرحلك دلوقتي لاني عاين
الفرحه الكبيرة لما تتعيني إن شاء الله
مش مدرسة طبعاً ..أيوة انتي كدا صح
أكيد معيدة
:)
تحياتي
chemist
اه والله انا فعلا طيبه جدا
وشكرا لمرورك لمدونتي المتواضعه
طلتك زادت المدونه شرفا
خديجه حببتي
منوره الدنيا والله
وانتي طيبه وكل سنه وانتي اللي طيبه
والله يبارك فيكي
وشكرا لتشريفك لمدونتي
the dark man
شكرا لمرووك لمدونتي
MrXprt
اهلا اهلا
اه شفت باه
اخيرا لقيت حد اعمل عليه مدرسه
ويارب يارب يحقق اللي بتقوله ده
ههههههههههههه
ميس ميس...الله فعلا احساس راائع
انا دخلت مرة تربية عملى لكن مع اخويا كان احساس اخو الراااائع :)
كويس ياريمو والله من بوستاتك دى حسيت انك بنوتة زى السكر ودمك خفيف
إرسال تعليق